E Bam fir d’Zukunft!
D’Stad Gréiwemaacher huet haut de Moien am Kader vun der Naturpakt-Challenge hire Bam geplanzt!
Mat dëser Initiativ vum Ëmweltministère, un där sech och de SIAS a seng Gemenge bedeelegen, soll d’Planzung vun heemesche Beem gefërdert an esou e wichtege Bäitrag zum Schutz vun der Biodiversitéit an dem Klima geleescht ginn.
E Méindeg, den 19. Oktober 2026, war den tierkeschen Ambassadeur, den Här Faruk Kaymakcı, zesumme mat sengem Conseiller, dem Här Necati Erbil Ertürk, op offizieller Visitt zu Gréiwemaacher.
Um Programm stoung ënner anerem eng Visitt vum Keller vun der Zëntscheier, der Regionaler Maacher Musekschoul an dem Centre culturel Machera.
D’Stad Maacher huet sech iwwer dëse Besuch an de frëndlechen Austausch gefreet.
Biergerversammlung iwwer d’Abrochpreventioun
E Méindeg, den 19. Oktober, haten d’Police Lëtzebuerg an d’Stad Gréiwemaacher op eng Informatiounsversammlung iwwer d’Abrochpreventioun am Centre culturel Machera invitéiert.
D’Biergerinnen an d’Bierger krute wäertvoll Tipps, wéi si hiert Doheem besser géint Abréch schütze kënnen.
E grousse Merci un d’Police Lëtzebuerg fir déi interessant Informatiounen an un all déi, déi dobäi waren!
E flotten Dag vum 3. Alter zu Maacher!
De 7. Oktober 2026 war op der M.S. Princesse Marie-Astrid eng super Stëmmung!
Et gouf vill gelaacht, gegeckst, diskutéiert an natierlech och fläisseg gedanzt.
Hei e puer flott Impressioune vun engem gelongenen Dag a gudder Gesellschaft!
E grousse Merci un d’Madame Tess Burton
No ville Joer engagéierter Mataarbecht am Gemengerot hu mir d’Tess Burton aus hirem Mandat verabschied. Mat vill Asaz, Häerzblutt an Engagement huet si sech fir d’Wuel vun eiser Gemeng agesat. Mir soe villmools Merci fir hir laangjäreg Aarbecht, hiren oppene Geescht an déi gutt Zesummenaarbecht.
De Festival des Nations 2026 huet den 3. Oktober de Centre culturel Machera an eng faarweg Plaz voller Musek, Kultur, Danz a kulinareschen Entdeckunge verwandelt.
E ganz gelongene Moudendefilé an der Muselmetropol! Bei schéinstem Wieder hunn d’Maacher Geschäftsleit an Zesummenaarbecht mat der Gemeng um Catwalk an der Groussgaass hir nei Hierschtkollektioune presentéiert an dobäi gewisen, wéi villfälteg a spannend de Shopping zu Maacher ass.
De Schäffen- a Gemengerot vu Gréiwemaacher huet d’Léierpersonal an all déi, déi an iergendenger Form mat eiser Grondschoul verbonne sinn, op e gemittleche Patt e Méindeg, 21. September, invitéiert.
Bei dëser Geleeënheet krut d’Madamm Claudine Kips e Kaddo fir hire 25-järegen Asaz am Enseignement.
E flotte Moment fir Merci ze soen an sech auszetauschen!
Impressiounen vun enger gelongener 76. Editioun vum Gréiwemaacher Drauwen- a Wäifest vum 11.09.2026 – 13.09.2026
Vereedegung vum neie Gemengeconseiller Antonio Cavaleiro.
Häerzlech wëllkomm am Gemeenerot vun der Muselmetropol Gréiwemaacher.