Aktuelles

Merci, Ady!
No ville Joren am Déngscht vun der Stad Gréiwemaacher ass den Här Ady Schanen an déi wuelverdéngte Pensioun gaangen. Dëst gouf de 7. Juli 2026 am Kader vun enger klenger Receptioun op der Gemeng gefeiert. Mir soen him villmools Merci fir säin Engagement, seng laangjäreg Aarbecht am Déngscht vun eiser Stad a wënschen him fir dësen neie Liewensofschnëtt vill Gesondheet, Freed a vill schéi Momenter.

Impressiounen vum Virowend vu Nationalfeierdag op der Kleener Moartplaz zu Maacher an TeDeum an der Porkierch.

D’Medaileniwwerreechung beim Tournoi des 5 Nations, organiséiert vun der Jumelage-Kommissioun, zesumme mat dem HBMuseldall. Eng flott a luewenswäert Aktivitéit!

Impressioune vun der Coupe scolaire 2026 zu Maacher am Quartier Pietert.

Familljendag zu Maacher – e flotte Samschdeg fir Grouss a Kleng!

De leschte Samschdeg huet d’Foussgängerzon vu Maacher nees gelieft.

Mat ville flotten Aktivitéiten, Animatiounen a gudder Stëmmung hunn d’Familljen e schéinen Dag am Häerz vun eiser Stad verbruecht.

E grousse Merci un d’Maacher Geschäftsleit a jiddereen, deen dësen Dag zu engem Erfolleg gemaach huet.

Wëllkomm an der Muselmetropol!

Begréissungsfeier fir nei Matbierger(innen) vun der Stad Gréiwemaacher den 12.06.2026 am Centre culturel Machera.

De Schäfferot vun der Stad Gréiwemaacher, zesumme mat der kommunaler Kommissioun vum interkulturellen Zesummeliewen, hunn déi nei Matbierger(innen) agelueden, fir hinnen eis Stad an dat liewegt Veräinsliewen virzestellen.

E flotte Moment vum Kenneléiren, Austauschen a Matenee-Liewen zu Maacher!