Photos

🌿♻️ Wëllkomm zu Maacher – Grouss Botz♻️🌿

Vill motivéiert Fräiwëlleger – Grouss a Kleng – hunn haut zesumme mat ugepaakt, fir eis schéin Stad nach e Stéck méi propper ze maachen. 💪🧹

E grousse Merci un all déi vill Leit, Veräiner a Scouten, déi sech Zäit geholl hunn, fir bei der Grouss Botz mat dobäi ze sinn. Är Engagement fir eis Stad ass net selbstverständlech! 🙏

Besonnesch flott: Verschidde Participanten haten 2 verschidde Strëmp un 🧦🧦 – e klengt, awer staarkt Zeeche fir de Weltdag fir Trisomie 21. Déi ënnerschiddlech Strëmp stinn dofir, datt aner sinn normal ass an datt Diversitéit eis Gesellschaft méi räich mécht. ❤️

👉 Merci un jiddereen, deen dobäi war – zesumme maache mir Gréiwemaacher nach méi liewenswäert!

#WëllkommZuMaacher #Maacher #Grevenmacher #GroussBotz #Trisomie21 #DifferentSocks #ZesummeStaark

Wëllkomm zu Maacher – Relais pour la Vie
E Samschdeg 21. Mäerz huet um Stade Op Flohr de Relais pour la Vie stattfonnt – e flotte Moment vu Solidaritéit, Engagement a Gemeinschaft. Vill Leit sinn zesumme komm fir géint de Kriibs e staarkt Zeechen ze setzen an d’Fondation Cancer z’ënnerstëtzen.
Ob lafen, trëppelen oder einfach dobäi sinn – jiddereen huet säin Deel dozou bäigedroen, fir dësen Dag zu engem besonnesche Moment ze maachen.

E grousse Merci un Team Muselmetropol vun der Gemeen Maacher, Päiperléck Aides et Soins à Domicile, den HPPA, an un all Participanten, Fräiwëlleger a Supporter, déi mat vill Häerz a Solidaritéit dobäi waren.
Zesumme si mir méi staark.

🎓 Wëllkomm zu Macher – Merci a vill Gléck fir déi nei Liewensphas! 🌸
No ville Joren am Déngscht vun der Educatioun geet d’Léierin Pierrette Weiler-Nei an hir wuelverdéngte Pensioun.
Bei enger klenger Feier zesumme mat Kolleeginnen a Kolleegen, Frënn a Vertrieder vun der Gemeng gouf hir Engagement an hir laangjäreg Aarbecht gewierdegt. Iwwer vill Joren huet si mat vill Häerzblutt Generatioune vu Kanner begleet, ënnerstëtzt a gepräägt. 📚✨
D’Stad Maacher seet e grousse Merci fir hiren Asaz an der Schoul a wënscht hir fir dës nei Etapp am Liewe vill Gesondheet, Freed a vill schéi Momenter.
🌼 Alles Guddes fir d’Zukunft, Pierrette!
#WëllkommZuMaacher #Grevenmacher #Maacher #Merci #Pensioun #Enseignement
Fotoen: Norry Stoltz

Gëschter den Owend huet am Osbuerghaus d’feierlech Remise vun de Studentesubsiden vun der Stad Gréiwemaacher stattfonnt.

Mat dëser Ënnerstëtzung wëllt d’Gemeng eis Studentinnen a Studenten op hirem Wee begleeden an encouragéieren, hir Studien engagéiert a mat Succès virunzebréngen

Fir den 33. Dag vum Bam hunn d’Schoulklassen aus der Maacher Grondschoul (Cycle 4.1) zesumme mat hire Léierpersoune beim Flouerwee Kinnebësch zu Gréiwemaacher trotz dem schlechte Wieder Beem geplanzt.

Haut de Moien sinn Kanner aus dem Précoce schon op d’Gemeen liichten a sange komm.

Et war e ganz flotte Moment haut de Mëtteg zu Gréiwemaacher op der Gemeng, wéi d’Schaachtechbotzer a vollem Ornat Gléck wënsche koumen. An der Heemecht vun der Lëtzebuerger Wäikinnigin gouf et net nëmmen e gudde Pättche zum beschten, mä et sinn och interessant Informatiounen iwwer e besonnesche Beruff ausgetosch ginn. Merci villmools, léif Schaachtechbotzer, Dir waart wëllkomm!

🎄Réckbléck op de Maacher Chrëstmoart✨
E flotte Chrëstmoart läit hannert eis – mat villen schéine Momenter, gudder Stëmmung a villen léiwen Begegnungen am Häerz vu Maacher ❤️
De Maacher Chrëstmoart war och dëst Joer nees eng flott Geleeënheet, fir zesummen d’Chrëschtzäit ze genéissen.
🙏 Merci un all d’Aussteller, Veräiner, Ënnerstëtzer an natierlech un all d’Visiteuren, déi dëse Chrëstmoart esou lieweg a gemittlech gemaach hunn.
📸 Kuckt iech hei e puer Impressiounen vum Maacher Chrëstmoart un ✨🎁