D’Chancegläichheetskommissioun vun der Stad Gréiwemaacher
organiséiert Éischt-Hëllef-Coursen iwwer mental Gesondheet:
Richtegt Handele ka Liewe retten
D’Éischt-Hëllef-Coursen iwwer mental Gesondheet vermëttele Grondwëssen iwwer psychesch Stéierungen a Krisen, souwéi iwwer d’Unzeechen, d’Symptomer an d’Risikofaktoren. Konkreet Éischt-Hëllef-Moossname léiert an übt Dir am Cours bei: Suizidgedanken a suizidärem Verhalen, Panikattacken, traumateschen Ereegnesser, schwéiere psychoteschen Episoden, Folge vun Alkoholkonsum an anere Substanzen souwéi aggressiivt Verhalen.
Am Präis vu 26 € enthalen ass d’Éischt-Hëllef-Handbuch. Virkenntnesser sinn net erfuerdert. Fir den Zertifikat ze kréien, musst Dir bei deene véier Module derbäi sinn, (d’maximal Feelzäit ass 1 Stonn). D’ Behandlung vun eegene psychesche Probleemer ass net am Cours virgesinn.
Donneschdeg, 9. Mäerz: Modul 1 (18:30 – 21:30Auer)
Donneschdeg, 16. Mäerz: Modul 2 (18:30 – 21:30 Auer)
Donneschdeg, 23. Mäerz: Modul 3 (18:30 – 21:30 Auer)
Donneschdeg, 30. Mäerz: Modul 4 (18:30 – 21:30 Auer)
(Opgepasst: Op der Annonce am Gemeeneblat waren dës Datumer falsch agedroen)
Am Keller vun der Zéintscheier (20, rue de la Poste)
Mellt Iech un um Tel. 75 03 11-1 oder iwwer reception@grevenmacher.lu